Rritet numri i të prekurve më HIV AIDS. Gjatë vitit 2013 janë diagnostikuar 122 raste të reja, ku muaji dhjetor ka regjistruar numrin më të madh me 26 raste.
“Vihet re një trend në rritje i numrit të femrave. Pjesa më e madhe e rasteve në Shqipëri, diagnostikohen në stadin AIDS, cka është pasojë e nivelit të ulët të testimit vullnetar. 3 për qind e femrave janë testuar ndonjëherë për infeksionin HIV në Shqipëri dhe rreth 4 për qind e meshkujve”, thotë Roland Dani, koordinator i HIV AIDS në ISHP.
Shqipëria numeron gjithsej 696 persona të diagnostikuar, por mendohet të jenë edhe më shumë të infektuar, pasi rastet e diagnostikuara janë paraqitur në stade të avancuara. /albeu/kohaislame
