Xi Jingping: Kina dhe SHBA, partnerë, jo rivalë!
Presidenti kinez Xi Jinping tha të premten se Kina dhe Shtetet e Bashkuara të Amerikës duhet të jenë partnerë, jo rivalë, raportojnë mediat shtetërore.
Në një takim me Sekretarin e Shtetit të SHBA Antony Blinken në Pekin, Xi tha se Kina është e lumtur që sheh një Shtetet e Bashkuara të pavarura, të hapura, të begata dhe të suksesshme dhe se ai shpreson se Uashingtoni gjithashtu mund ta shikojë zhvillimin e Kinës në një këndvështrim pozitiv.
“Kjo është një çështje thelbësore që duhet zgjidhur, ashtu si kopsa e parë në një këmishë që duhet rregulluar, në mënyrë që të stabilizohet, përmirësohet dhe të çohet përpara marrëdhëniet Kinë-SHBA”, tha Xi.
Ai shtoi se dy vendet nuk duhet të jenë rivale, por të ndihmojnë njëri-tjetrin të kenë sukses.
Vizita e dytë në Kinë në më pak se një vit
“Unë propozova që respekti i ndërsjelltë, bashkëjetesa paqësore dhe bashkëpunimi fitues duhet të jenë tre parimet kryesore,” tha Xi, duke shtuar se ai ka thënë shumë herë se planeti është mjaft i madh për të akomoduar zhvillimin dhe prosperitetin e të dy vendeve.
Ai shtoi se ka ende çështje që duhet të zgjidhen dhe që kërkojnë përpjekje të mëtejshme.
Pas mbërritjes për një vizitë tre-ditore në Kinë të mërkurën, Blinken u takua me homologun e tij Wang Yi dhe zyrtarë të tjerë. Kjo është vizita e tij e dytë në Kinë në më pak se një vit.
Presidenti i SHBA Joe Biden dhe homologu i tij kinez Xi Jinping u takuan në San Francisko nëntorin e kaluar për një samit që hapi rrugën për rinovimin e komunikimit midis ushtrisë dhe institucioneve të mbrojtjes për të shmangur llogaritjet e gabuara nga secila palë dhe për të parandaluar konfliktin. /tesheshi.com/
