Rikthimi gradual në normalitet në Europë ka çuar në rritjen e numrit të vrasjeve të grave nga burrat, të cilat kishin shënuar rënie gjatë bllokimit.
Në disa vende europiane shifrat janë të frikshme, të tilla si në Spanjë, ku pas gjendjes së jashtëzakonshme në maj – një grua vritet çdo tre ditë nga ish-partneri i saj ose aktual, krahasuar me një çdo javë mesatarisht para pandemisë.
Në Belgjikë në katër muajt e parë të vitit u regjistruan 13 viktima krahasuar me 24 në 2020. Në Francë 56 gra janë vrarë që nga fillimi i 2021, ndërsa gjatë të njëjtës periudhë të vitit të kaluar numri numri ishte 46, raporton abcnews.al
“Kur gratë rifitojnë lirinë e tyre, abuzuesit janë jashtë kontrollit dhe reagojnë me dhunë, përshkallëzimi i dhunës në muajt e fundit e përforcon edhe më shumë diçka të tillë,” tha Victoria Rochelle, kryetare e komisionit anti-gjinor të qeverisë Spanjolle.
“Kur ne lehtësuam kufizimet, u zbulua një pandemi tjetër: pandemia e dhunës me bazë gjinore.”
Spanja, vendi i parë europian që miratoi një ligj në 2004 që e cilëson dhunën ndaj grave një vrasje dëshiron t’i japë fund kësaj “murtaje”, tha Kryeministri Pedro Sanchez pas rritjes së fundit së numrit të viktimave.
Në të gjithë Europën, bllokimet e kanë bërë edhe më të vështirë raportimin e dhunës në familje. Viktimat u detyruan të jetonin me abuzuesit e tyre dhe të kërkonin ndihmë me vështirësi. Në Spanjë gjatë bllokimit (nga mesi i marsit deri në mes të qershorit 2020) thirrjet për ndihmë u rritën me 58% krahasuar me të njëjtën periudhë në 2019, kryesisht përmes internetit, raporton abcnews.al
“Kjo tregon shumë për situatën e grave që nuk mund të bënin as një telefonatë nga shtëpia”, thotë Rochelle.
Në Itali dhe Gjermani, u vu re i njëjti trend, me një rritje të numrit të thirrjeve për ndihmë në linjat telefonike për shkak të dhunës në familje gjatë muajit Prill dhe Maj 2020. Në Britani, numri i thirrjeve për ndihmë u dyfishua.
Duke qëndruar në një shtëpi me abuzuesit e tyre, gratë- viktima të dhunës ishin nën mbikëqyrje të vazhdueshme. Si mund të kërkonin ndihmë?
Në Itali ata mund të telefononin një linjë speciale të policisë dhe të porosisnin një picë margarita”, që do të thoshte se ishin viktima të dhunës. Në Spanjë ata mund të kërkonin “një maskë vjollcë” nga farmacitë, nga disa dyqane që mbetën të hapura gjatë gjithë bllokimit.
Rritja e “parashikueshme” e vrasjeve të grave
Megjithëse thirrjet për ndihmë janë rritur, krime të tilla si vrasja kanë shënuar rënie gjatë bllokimit. Në Francë, Itali dhe Spanjë, numri i vrasjeve të grave shënoi rënie vitin e kaluar, me 90, 67 dhe 45 gra të vrara nga partnerët e tyre të mëparshëm ose aktualë, përkatësisht.
Në Belgjikë numri mbeti i qëndrueshëm në 24. Shpesh divorci ose fillimi i një marrëdhënie të re janë arsyeja e vrasjeve.
“Sapo kufizimet u lehtësuan, shumë nga gratë që ishin viktima kuptuan se kishin mjetet e duhura për t’i dhënë fund një marrëdhënieje.
” Dhe ekziston një rrezik i lartë i dhunës apo vrasjes “tha Carmen Ruith Repugio, një sociologe e specializuar në dhunën me bazë gjinore./abcnews.al
