Mesazhet nga burgu të dy të rinjve hebre për tmerret në Gaza
Faqja amerikane e lajmeve The Intercept zbulon se dy shtetas izraelitë, të cilët janë në burg për refuzimin e shërbimit në ushtrinë izraelite, i kanë dërguar një letër presidentit amerikan Joe Biden duke i kërkuar atij të përdorë autoritetin e tij për të ndaluar luftën e Izraelit në Rripin e Gazës, duke përfshirë një kusht për dërgimin e ndihmës ushtarake shtetit pushtues.
Kjo faqe interneti amerikane publikoi pjesë nga ajo letër, duke përfshirë një adresë drejtuar Bidenit, ku thuhet: “Mbështetja juaj e pakushtëzuar për politikën e shkatërrimit nga Netanyahu, që nga fillimi i luftës, e ka bërë shoqërinë tonë të mësohet me masakrat dhe përçmimin e jetëve njerëzore.”
Letra shton se mbështetja diplomatike dhe materiale amerikane është një faktor që e ka zgjatur këtë luftë dhe se përgjegjës është vetë Biden, së bashku me liderët izraelitë.
Në vazhdim të letrës, siç raporton faqja, thuhet: “Por meqenëse duan që lufta të zgjasë sa më gjatë, për arsye politike, ju (Biden) keni mundësi ta ndaloni atë”.
Të rinjtë refuzojnë të shërbejnë në ushtri
Faqja e internetit thekson se dy shtetas izraelitë, Tal Mitnick dhe Sofia Orr, e shkruan këtë letër përpara se të shkonin në burg për të vuajtur dënimin e tyre atje, dhe një ditë pasi Biden konfirmoi për herë të parë – në një intervistë me të – se Izraeli përdori bomba amerikane për vrarë civilë dhe tha se do të ndalojë dërgimin e armëve nëse sulmon Rafahun.
Gazetari Prem Thakker raportoi se Mitnick u dënua për herë të parë në dhjetor me 150 ditë burg për refuzimin e rekrutimit të detyrueshëm në ushtrinë izraelite në moshën 18-vjeçare.
Orr u dënua me 85 ditë burg. Dy të rinjtë i përkasin rrjetit Mesarvot, një grup anëtarësimi i të cilit po rritet dita-ditës dhe përfshin të rinj dhe ata që refuzojnë të shërbejnë në ushtrinë izraelite.
Këta të rinj nuk janë të vetëm në refuzimin e luftës, pasi izraelitë të tjerë kanë dalë në rrugë për të demonstruar kundër luftës dhe qeverisë së Benjamin Netanyahut, thuhet në artikull.
Mitnick dhe Orr thanë në letrën drejtuar Bidenit se ata do të monitorojnë hapat e ardhshëm që presidenti amerikan do të ndërmarrë nga qelitë e tyre të burgut.
Në letër thuhet gjithashtu: “Duam t’ju themi, zoti Biden, se vetëm fjalët e ashpra dhe dënimi nuk do të sjellin ndryshimet e dëshiruara. Mënyra e vetme për ta detyruar Netanyahun të ndalojë është të ushtroni shumë presion dhe të ndaloni armatosjen e Izraelit në luftën e tij në Rripin e Gazës”. /tesheshi.com/
