Përkthimi që SHBA i bën vendimit të Gjykatës Ndërkombëtare
Një zëdhënës i Departamentit Amerikan të Shtetit tha se SHBA mbajnë qëndrimin e tyre se akuzat për gjenocid ndaj Izraelit në Gjykatën Ndërkombëtare të Drejtësisë janë të pabaza.
Një zëdhënës i Departamentit të Shtetit tha se SHBA-ja njeh “rolin jetik të GJND-së në zgjidhjen paqësore të mosmarrëveshjeve”, duke vënë në dukje se administrata e Biden “e ka bërë të qartë vazhdimisht se Izraeli duhet të marrë të gjitha hapat e mundshëm për të minimizuar dëmin ndaj civilëve, për të rritur rrjedhën e ndihmave humanitare dhe për të adresuar çështjen e retorikës dehumanizuese”.
“Ne vazhdojmë të besojmë se akuzat për gjenocid janë të pabaza dhe vërejmë se gjykata në vendimin e saj nuk bëri një konstatim të gjenocidit ose nuk bëri thirrje për një armëpushim dhe se ajo bëri thirrje për lirimin e menjëhershëm të pakushtëzuar të të gjithë pengjeve të mbajtura nga Hamasi”, tha zëdhënësi në një përgjigje me shkrim për agjencinë Anatolia.
Ai shtoi se vendimi i gjykatës ishte gjithashtu në përputhje me “pikëpamjen tonë se Izraeli ka të drejtë të marrë masa për të siguruar që sulmet terroriste të 7 tetorit nuk mund të përsëriten”.
Ai tha se SHBA do të vazhdojë të monitorojë procedurat gjyqësore ndërsa çështja shpaloset më tej. /tesheshi.com/
