Radio Dukagjini ka marrë një vendim të rëndësishëm duke u bërë mediumi i parë në vend që vendos të shkurtojë orarin e punës për të gjithë stafin e saj çdo të premte.
Ky ndryshim u tha se do të sjellë një ritëm të ri dhe më të balancuar të punës për punonjësit.
Edita Doli, drejtoreshë e Radio Dukagjinit, ka ndarë detaje ekskluzive për Telegrafin rreth këtij vendimi.
“Radio Dukagjini ka marrë vendim që prej kësaj të premte e çdo të premte tjetër ta shkurtojnë orarin e punës. Radio Dukagjini bëhet mediumi i parë që shkurton orarin e punës” theksoi Doli.
Sipas saj, shumica e operatorëve teknikë do të punojnë vetëm katër orë, në vend të orarit të zakonshëm prej tetë orësh.
Ndërkohë, moderatorët do të vazhdojnë të realizojnë emisionet e tyre, të cilat, siç shtoi Doli, zgjasin deri në dy orë dhe me aq përfundon orari. /Telegrafi/
