Qeveria e Serbisë në seancën e sotme ka miratuar Strategjinë kombëtare për luftën kundër pastrimit të parave dhe financimit të terrorizmit, transmeton Anadolu Agency (AA).
Kjo strategji përfshin planifikimin strategjik, koordinimin dhe bashkëpunimin e të gjitha institucioneve në drejtim të uljes rreziqeve nga pastrimi i parave dhe financimi i terrorizmit, ka bërë të ditur Zyra për Marrëdhënie me Media e Qeverisë së Serbisë.
Strategjia ka për qëllim parandalimin e futjes së pasurisë për të cilën dyshohet se është fituar në mënyrë të paligjshme në sistemin financiar dhe sektorë të tjera, si dhe zbulimin dhe ndjekjen penale e shkelësve të ligjit dhe konfiskimin e pasurisë së fituar në mënyrë të paligjshme.
Strategjia kombëtare mbulon periudhën deri në vitin 2018 dhe parashikon themelimin e ekipeve profesionale që do të punojnë për parandalimin e pastrimit të parave dhe financimit të terrorizmit.
