Program fetar kushtuar Natës së Israsë dhe Miraxhit

Mbrëmë, pas namazit të jacisë në Xhaminë e Hadumit, Këshilli i Bashkësisë Islame në Gjakovë organizoi program fetar me rastin e përkujtimit të Natës së Israsë dhe Miraxhit.

Me këndim të Kuranit, ilahive dhe ligjëratës për ketë temë është manifestuar kjo ngjarje e rëndësishme.

Imami Enver ef. Xhiha, mbajti ligjëratën kryesore kushtuar kësaj nate, përmes së cilës shpjegoi udhëtimin e shpresës së Pejgamberit, paqja dhe mëshira e Allahut qoftë mbi të, në këtë natë, për vlerën, rëndësinë dhe porosinë e udhëtimit, nga i cili çdo besimtarë në çdo kohë mund të nxjerrë mësim.

Në mbyllje të programit kryemami Visar ef. Koshi bëri një dua, bashkë me besimtarët e pranishëm.