Presidenti i Ukrainës, Volodymyr Zelensky, i ka bërë thirrje Perëndimit që të mos krijojë panik mes grumbullimit të trupave ruse në kufijtë e vendit të tij.
Sipas BBC, përcjell Telegrafi, ai tha se paralajmërimet për një pushtim të afërt po e rrezikonin ekonominë e Ukrainës.
Të enjten, presidenti amerikan Joe Biden tha se ai besonte se Rusia mund të sulmojë fqinjin e saj muajin e ardhshëm.
Rusia, megjithatë, mohon se po planifikon pushtimin dhe të premten ministri i saj i Jashtëm tha se Moska nuk dëshiron luftë.
Derisa Rusia ka rreth 100 mijë trupa në kufijtë e Ukrainës, Zelensky tha se ai nuk sheh një kërcënim më të madh tani se sa gjatë një grumbullimi të ngjashëm të trupave në pranverën e kaluar.
“Ka sinjale edhe nga udhëheqës të respektuar të shteteve, vetëm thonë se nesër do të ketë luftë. Ky është panik – sa kushton për shtetin tonë?”, tha ai në konferencën për shtyp në Kiev. /Telegrafi/
Presidenti ukrainas i bën thirrje Perëndimit të mos krijojë panik
![Zelensky-780x439.jpg](https://kohaislame.com/wp-content/uploads/2022/01/Zelensky-780x439-1.jpg)