Kryeministri i vendit, Albin Kurti dhe presidenti serb, Aleksandar Vuçiq takohen sot në Bruksel në kuadër të dialogut Kosovë-Serbi.
Ditë më parë Bashkimi Evropian ka publikuar agjendën e takimeve të së enjtes në Bruksel.
Përfaqësuesi për Politikë të Jashtme, Josep Borrell ka zhvilluar takime të ndara me kryeministrin e Kosovës, Albin Kurti dhe presidentin e Serbisë, Aleksandar Vuçiq. Takimet kanë nisur qysh në orën 09:00.
Në orën 11:00 ka filluar takimi i përbashkët trepalësh.
Siç është bërë e ditur se takimi do të fokusohet në zbatimin e Marrëveshjes për rrugën drejt normalizimit, si dhe çështjet aktuale, gjersa pas përfundimit të takimeve do të ketë një deklaratë për mediat nga Përfaqësuesi i Lartë i BE-së, Josep Borrell.
