XHAKARTË (AA) – Shërbimi australian për meteorologji ka lëshuar paralajmërim për cunami në ishujt Cocos dhe ishujt Krishtlindje, por nuk ka urdhëruar evakuimin e banorëve pasi në perëndim të ishullit indonezian Sumatra u regjistrua një tërmet i fuqishëm prej 7.9 ballësh sipas shkallës së Rihterit, raporton Anadolu Agency (AA).
Instituti gjeologjik amerikan fillimisht në faqen e saj zyrtare tha se bëhet fjalë për një tërmet prej 8.1 ballë ku më pas e zvogëloi në 7.9 ballë.
Epiqendra e tërmetit është regjistruar 808 kilometra në jugperëndim të Padangas, në thellësi prej 10 kilometrave.
Zyrtarët indonezian lëshuan paralajmërim për cunami për rajonet e Sumatrës perëndimore dhe provincës Aceh.
Shefi i agjencisë gjeologjike indoneziane Andi Eka Sakya u bëri thirrje banorëve të pjesëve bregdetare Sumatra që të “qëndrojnë larg bregdetit”.
