Shpallja e pavarësisë së Kosovës në vitin 2008 nuk është njohur nga pesë anëtarë të BE-së, respektivisht nga Spanja, Greqia, Rumania, Sllovakia dhe Qiproja Greke, por vendet e BE-së në fjalë i njohin dokumentet e udhëtimit të Kosovës
Parlamenti i Spanjës ka hedhur poshtë nismën e disa partive politike nga rajoni katalanas për njohjen e Kosovës, transmeton Anadolu.
Nisma u refuzua me një shumicë dërrmuese me 293 pro dhe 27 abstenime.
Propozimi u soll në parlament sot nga partia separatiste katalanase Junts.
Të martën, deputeti nga radhët e Junts, Eduard Pujol, tha se Kosova është një “shtet i së drejtës” dhe se vendimi i saj për të shpallur pavarësinë u njoh nga Gjykata Ndërkombëtare e Drejtësisë.
Shpallja e pavarësisë së Kosovës në vitin 2008 nuk është njohur nga pesë anëtarë të Bashkimit Evropian (BE), respektivisht nga Spanja, Greqia, Rumania, Sllovakia dhe Qiproja Greke, por vendet e BE-së në fjalë i njohin dokumentet e udhëtimit të Kosovës.
/AA/
