E megjithatë, sasia e minjve nuk është rritur, thonë autoritetet
Kryeqyteti francez Paris ka njoftuar se do të fillojë përdorimin e ekskavatorëve për të hequr malet e plehrave nga rrugët për shkak të grevës trejavore të punonjësve të grumbullimit të mbeturinave.
7000 tonë mbeturina të mbetura do të largohen me mjete speciale, njoftoi Këshilli Bashkiak. Megjithatë, sasitë e mëdha të mbeturinave nuk paraqesin ende një rrezik për shëndetin për popullatën dhe as numri i minjve nuk është rritur ndjeshëm, shtojnë ata.
Qyteti njoftoi se do të jetë vigjilent dhe është në kontakt të vazhdueshëm me autoritetet shëndetësore rajonale, të cilët gjithashtu kanë konfirmuar se nuk ka krizë shëndetësore.
Greva është pjesë e një proteste kundër reformës së pensioneve që qeveria shtyu në Parlament me urdhër të presidentit Emmanuel Macron.
Pas urdhrit të policisë, Departamenti i Grumbullimit të Mbetjeve dërgoi 421 kamionë plehrash gjatë fundjavës dhe 158 të hënën, dy herë më shumë se zakonisht. Gjithashtu, 50 automjete speciale pastruan mbeturinat nga rrugët e bllokuara.
Greva prek vetëm atë pjesë të Parisit ku autoritetet lokale janë përgjegjëse për grumbullimin e mbetjeve, ndërsa në rrethe të tjera bëhet nga një kompani private. Parisi ka njoftuar se po fokuson përpjekjet e tij për të hequr mbeturinat nga rruga e Maratonës së Parisit të së dielës së ardhshme. /tesheshi.com/
