Universiteti i Arizonës përjashton “rrugaçin e vet” Jonathan Yudelman
CNN raportoi se Universiteti Shtetëror i Arizonës shkarkoi profesorin Jonathan Yudelman pasi u shfaq një video që tregonte se ai sulmonte verbalisht një vajzë muslimane të veshur me hixhab.
“Yudelman nuk lejohet të qëndrojë në kampus dhe nuk do të japë më mësim këtu,” tha administrata e universitetit në një deklaratë.
Profesor Yudelman u shfaq me një ushtar (të quajtur Sami Ben), i cili kishte dalë vullnetar për ushtrinë okupuese izraelite gjatë luftës në Rripin e Gazës, duke ngacmuar një studente muslimane për mbështetjen e Palestinës dhe duke e quajtur me emra të turpshëm.
Universiteti Shtetëror i Arizonës tha më parë se kishte vendosur profesorin e universitetit në pezullim, në mes të një hetimi në vazhdim për incidentin, menjëherë pasi një video e tij duke sulmuar verbalisht një grua të veshur me hixhab u bë virale.
Në një deklaratë, Këshilli për Marrëdhëniet Amerikano-Islamike (CAIR) dënoi sulmin e Yudelman ndaj një vajze muslimane amerikane pranë një demonstrate pro-izraelite.
Këshilli i bëri thirrje universitetit të ndërpresë marrëdhënien e tij me të dhe u bëri thirrje organeve të rendit të hetojnë rastin dhe të ngrenë kallëzime përkatëse penale.
Që nga prilli i këtij viti, universitetet amerikane, kanadeze dhe evropiane kanë qenë dëshmitarë të protestave duke refuzuar luftën e Izraelit në Rripin e Gazës dhe duke kërkuar nga administratat e universiteteve t’i japin fund bashkëpunimit të tyre akademik me universitetet izraelite. /tesheshi.com/
