Kombet e Bashkuara e kanë dënuar fuqishëm sulmin ajror në Kunduz të Afganistanit.
Shefi për të drejtat e njeriut në Kombet e Bashkuara, Zeid Raad Al Hussein, tha se “nëse përcaktohet në gjykatë se ishte i qëllimshëm, atëherë një sulm ajror kundër spitalit, mund të jetë krim lufte”.
Mëtutje, ai ka vlerësuar se “kjo ngjarje është plotësisht tragjike, e pafalshme dhe me gjasë kriminale”.
Organizata Mjekët pa Kufij, që e ka udhëhequr këtë spital, tha se ai është shkatërruar pjesërisht pasi është qëlluar nga një sulm ajror gjatë natës prej të premtes në të shtunën.
