Forcat izraelite të sigurisë kanë kryer 1.042 operacione kërkimi dhe arrestimi në Bregun Perëndimor, që ka rezultuar në arrestimin e 1,504 palestinezëve, përfshirë 88 fëmijë
Në total 1.264 palestinezë mbahen aktualisht nga Izraeli në paraburgim administrativ, njoftoi koordinatori special i OKB-së për Lindjen e Mesme, Tor Wennesland, raporton Anadolu.
Numri, sipas të dërguarit të OKB-së, është më i larti në më shumë se një dekadë.
“Forcat izraelite të sigurisë kanë kryer 1.042 operacione kërkimi dhe arrestimi në Bregun Perëndimor, që ka rezultuar në arrestimin e 1.504 palestinezëve, përfshirë 88 fëmijë”, tha Wennesland në Këshillin e Sigurimit të OKB-së.
Ai më tej shtoi se midis 15 korrikut dhe 19 shtatorit, 68 palestinezë, duke përfshirë 18 fëmijë, u vranë nga forcat izraelite të sigurisë gjatë demonstratave, përleshjeve, operacioneve të sigurisë, sulmeve ose sulmeve të supozuara kundër izraelitëve dhe incidenteve të tjera.
Gjithsej 2.830 palestinezë u plagosën, duke përfshirë 30 gra dhe 559 fëmijë, ndërsa 271 prej tyre u plagosën nga municionet e vërteta dhe 2.119 nga thithja e gazit lotsjellës, tha i dërguari i OKB-së.
“Përveç kësaj, dy palestinezë u vranë dhe 73 u plagosën, duke përfshirë tre gra dhe 12 fëmijë, mes një niveli të lartë të sulmeve nga kolonët izraelitë”, tha ai.
Mungesa e financimit vazhdon të pamundësojë OKB-në për të ofruar shërbime thelbësore për palestinezët, vuri në dukje ai.
Agjencia e Kombeve të Bashkuara për Ndihmën e Rrefugjatëve Palestinez në Lindjen e Afërt (UNRWA) ka nevojë urgjente për 75 milionë dollarë për ndihmë ushqimore deri në fund të vitit për 1,2 milion palestinezë në Gaza, tha Wennesland.
Programi Botëror i Ushqimit kërkon 32 milionë dollarë për të rivendosur ndihmën sociale për familjet prioritare në të gjithë territoret e pushtuara palestineze, tha ai.
