Shefi i Organizatës Botërore të Shëndetësisë (OBSh) tha të hënën se sulmet në spitalin Kamal Adwan në Gaza “duhet të ndalen menjëherë”, pasi lufta e Izraelit në enklavën palestineze shtrihet në vitin e saj të dytë.
“Sulmet e vazhdueshme në spitalin Kamal Adwan në veri të Gazës kanë shkaktuar 14 lëndime shtesë në 48 orët e fundit, duke përfshirë drejtorin e spitalit dhe shumë pak mjekë dhe infermierë të mbetur – kjo është e mjerueshme/e patolerueshme/thellësisht shqetësuese”, tha Tedros Adhanom Ghebreyesus në X.
Tedros vuri në dukje se ka ende 65 pacientë të rritur me lëndime, 13 pacientë fëmijë dhe tetë pacientë në njësinë e kujdesit intensiv.
Duke bërë thirrje për një armëpushim, ai tha: “Sulmet ndaj spitalit Kamal Adwan duhet të ndalen menjëherë dhe duhet të sigurohet kalimi i sigurt për një mision humanitar, në mënyrë që personeli shëndetësor të mund të vendoset dhe të sigurohen furnizime mjekësore për pacientët e mbetur”.
Lufta izraelite në Rripin e Gazës ka vrarë më shumë se 44.200 njerëz, kryesisht gra dhe fëmijë, që nga 7 tetori 2023.
Të enjten, Gjykata Penale Ndërkombëtare (GjPN) lëshoi urdhra arresti për kryeministrin izraelit Benjamin Netanyahu dhe ish-ministrin e tij të mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një akuzë gjenocidi në Gjykatën Ndërkombëtare të Drejtësisë për luftën e tij brutale ndaj Gazës.
/trt BALLKAN/
