Kina ishte një nga prioritetet më të rëndësishme në mendjet e politikanëve, planifikuesve dhe zyrtarëve ushtarakë amerikanë gjatë seancës dëgjimore të kongresit të së enjtes. Sekretari i Mbrojtjes Lloyd Austin dha një urdhër të mërkurën për tu fokusuar 100% në përpjekjet e ushtrisë amerikane për të trajtuar Kinën si sfidën numër një të sigurisë së kombit.
Austin mori këtë vendim pasi shqyrtoi një dokument nga një Task Forcë për Kinën, që ai krijoi në shkurt të këtij viti, për të analizuar sfidat e Shteteve të Bashkuara nga Pekini.
“Përpjekjet tona sot, pritet të përmirësojnë aftësinë e departamentit për të ringjallur rrjetin e aleatëve dhe partnerëve tanë, dhe për të përshpejtuar zhvillimin e koncepteve të reja operacionale, zhvillimit të aftësive, forcimit në të ardhmen dhe një fuqie punëtore të modernizuar civile dhe ushtarake”, tha Austin në një deklaratë.
Hapat që do të ndërmarrë Austin janë sekrete, por në dëshminë para Komitetit të Shërbimeve të Armatosura të Senatit të enjten, sekretari i mbrojtjes tha se buxheti i propozuar i 715 miliardë dollarëve të Departamentit të Mbrojtjes përqendrohet në rritjen e qartë të Republikës Popullore së Kinës”, pra përfshin “më shumë se 5 miliard dollarë për iniciativën e mbrojtjes së Paqësorit” në 2022, raporton abcnews.al
Në përgjithësi, iniciativa pesë-vjeçare synon të sigurojë miliarda për të azhurnuar forcat amerikane rreth rajonit, duke përfshirë sistemin e mbrojtjes raketore Aegis Ashore, radar mbrojtjeje për Hawaii; më shumë mjete të inteligjencës dhe zbulimit; më shumë municione; më shumë trupa të Marinës, Forcave Ajrore dhe Detare në rajon; dhe më shumë trajnime dhe ushtrime me aleatë dhe partnerë.
I pyetur nga senatori Dan Sullivan, R-Arkansas, nëse Departamenti i Mbrojtjes po i jepte përparësi Kinës apo nëse ai ishte i shpërqendruar nga çështje të tjera si ndryshimi i klimës, Austin ishte i prerë.
“Kërcënimi më i rëndësishëm ushtarak në të cilin ne jemi fokusuar është Kina”, tha Austin.
Komandantët ushtarakë amerikanë thonë se Kina po formon një ushtri gjithnjë e më sulmuese dhe po zgjeron kufijtë e saj rajonale, ndërsa po rrit përpjekjet për të zëvendësuar fuqinë ushtarake amerikane në Azi, raporton abcnews.al
Pikat kryesore përfshijnë Detin e Kinës Jugore, ku Pekini ka ndërtuar dhe fortifikuar ishuj të krijuar nga njeriu dhe ka vendosur flota të mëdha të ashtuquajturës milici detare dhe pretendon ishullin e kontrolluar në mënyrë demokratike të Tajvanit, si territorin e tij sovran duke vendosur gjithnjë e më shumë pajisje ushtarake gjatë vitit të kaluar.
Hawley, një mbështetës i Tajvanit vitin e kaluar prezantoi Aktin e Mbrojtjes së Tajvanit, një projekt-ligj që do t’i kërkonte Uashingtonit të ruante vendin në rast të një pushtimi nga ana e Kinës. Projekt-ligji nuk u miratua.
Megjithëse Akti i Marrëdhënieve me Tajvanin – ligji i SHBA që nga viti 1979 nuk përcakton plotësisht nëse SHBA mund të ndërhyjë ushtarakisht nëse Kina sulmon ishullin. Në akt theksohet se Uashingtoni duhet “të ruajë kapacitetin e Shteteve të Bashkuara për t’i rezistuar çdo forcë nga jashtë që do të rrezikonin sigurinë, ose sistemin shoqëror ose ekonomik, të njerëzve në Tajvan “, si dhe ti sigurojë Taipeit pajisje mbrojtëse.
Aftësia e ushtrisë amerikane për të mbrojtur Tajvanin ka qenë gjithnjë në rritje ndërsa Kina ka ndërtuar dhe modernizuar ushtrinë e saj, përfshirë shtimin e platformave dhe armëve ndërkohë që udhëheqësit ushtarakë amerikanë i kanë cilësuar si sjellje agresive.
Milley u tha senatorëve të enjten se pushtimi i Tajvanit me forcë nuk do të ishte një veprim i lehtë për Ushtrinë Çlirimtare të Popullit të Kinës. Ndërsa Tajvani ishte një fokus të seancës dëgjimore të së enjtes, sipas një raporti në Uashington në fillim të javës paralajmëroi se SHBA do të duhet të marrë një qasje tjetër për t’iu kundërvënë rritjes së ndikimit kinez në Azi dhe globalisht.
“Ndërsa konkurrenca intensifikohet, planifikuesit ushtarakë amerikanë mund të kenë nevojë të zgjerojnë portofolin e konvergjencave të mundshme që përfshijnë Kinën përtej pikave të nxehta tradicionale si Tajvani”, theksoj në raport.
Raporti thekson gjithashtu se SHBA-ja duhet të ruajë ndikimin në Lindjen e Mesme, Afrikë dhe Amerikën Latine ose duhet të shohë ndërhyrjen e Kinës. Suksesi i Kinës si një arbitër kryesor në çështjet e Lindjes së Mesme, si sponsori kryesor i zhvillimit ekonomik të Afrikës dhe si një partner kryesor në Amerikën Latine mund të dobësojë pozicionin strategjik të Shteteve të Bashkuara si një udhëheqës global dhe të zbehë pozicionin e saj Indo-Paqësor gjithashtu “, sipas raportit.
Por gjithashtu në raport, theksohet se SHBA-ja ka përgjegjësi të mëdha, duke përfshirë mbështetjen e aleatëve dhe partnerëve të saj.
“Ushtria Çlirimtare e Popullit (PLA) nuk është një partner i preferuar për shumë vende, veçanërisht në Azi,” theksohet në raport.
Edhe mungesa e aftësive të projeksionit të fuqisë ushtarake (kineze) kufizon aftësinë e saj për të siguruar mjete të sigurisë publike që ndihmuan për ta bërë udhëheqjen globale të SHBA kaq të suksesshme.
“Përpjekja më e dukshme për anëtarët e shërbimit ndoshta do të jetë në kontakt me aleatët dhe partnerët. Marrëdhëniet midis ushtrive janë pjesë e kësaj shtrirjeje dhe sigurisht prite të ketë më shumë stërvitje me aleatët dhe partnerët,” tha një raport i Departamentit të Mbrojtjes për task forcën ./abcnews.al
Nga Brad Lendon dhe Ellie Kaufman, CNN
