Një shkollë e re aty ku tërmetet vdekjeprurëse rrafshuan gjithçka
Një shkollë e mesme që do të quhet “Makedonya” (Maqedoni), hap dyert më 11.9.2023 në Malatya, Turqia lindore, qyteti i prekur nga tërmetet vdekjeprurëse të shkurtit të kaluar, raportojnë mediat greke këtë rast, duke mos e fshehur zemërimin nga fakti i kësaj emertëse, pasi nuk është “Veriu”, pra emri ri sipas një pakti mes Shkupit e Athinës.
Shkolla është ndërtuar me paratë e mbledhura nga Oda Ekonomike e Maqedonisë së Veriut dhe Turqisë, si dhe me donacion nga Kryqi i Kuq i cili financoi ndërtimin e disa njësive shkollore në zonat e prekura. Sipas rrjetit të Maqedonisë së Veriut Kanal 5, shkolla e re ka një sipërfaqe prej 8000 m2 dhe ka 24 klasa të emërtuara sipas qyteteve të Maqedonisë së Veriut.
“Kompleksi simbolizon frymën e miqësisë dhe bashkëpunimit mes popujve të dy vendeve, është ndërtuar me një donacion prej një milion euro, në të cilin kanë marrë pjesë anëtarët e EBMT dhe Kryqit të Kuq. Është një donacion që u përdor për të ndërtuar një nga qindra shkollat që u shkatërruan nga tërmeti shkatërrues në rajonin e Malatya dhe është një përpjekje kryesore për të ndihmuar popullin turk pas fatkeqësisë natyrore që ndodhi më 6 shkurt”, thuhet në një deklaratë nga Oda Ekonomike e Maqedonisë së Veriut dhe Turqisë. /tesheshi.com/
