Kryetari i ri i Serbisë, Tomislav Nikolic, do të takohet nesër me kryetarët ilegalë të Mitrovicës, Zubin Potokut, Zveçanit dhe Leposaviqit, dhe me të ashtuquajturin kryetar i Qarkut të Mitrovicës, thuhet në një njoftim nga Presidenca e Serbisë.
Për ditën e ardhshme është planifikuar takimi i tij edhe me serbët në jug të Ibrit.
Nikolic, njofton “Beta”, me kryetarët ilegalë të veriut të Kosovës – Krstimir Panticin, Dragisa Milovicin, Slavisa Risticin, Branko Ninicin, si dhe Radenko Nedeljkovicin nga i ashtuquajturi Qark i Mitrovicës – do të takohet me kërkesë të tyre.
