Shkencëtarët kanë zbuluar se ndryshimet klimatike të shkaktuara nga aktivitetet njerëzore kanë dyfishuar mundësinë e përmbytjeve të përsëritura në Evropën Qendrore këtë muaj.
Një analizë nga World Weather Attribution (WWA nga një grup shkencëtarësh ndërkombëtarë, hetoi ndikimin e ndryshimeve klimatike në reshjet e dendura dhe përmbytjet që goditën disa vende evropiane si Polonia, Republika Çeke, Austria, Rumania, Hungaria, Gjermania dhe Sllovakia këtë muaj.
Analiza është bërë nga 24 shkencëtarë eminentë nga institucione dhe universitete meteorologjike në Britaninë e Madhe, Poloni, Austri, Çeki, Gjermani, Suedi, Holandë dhe Shtetet e Bashkuara të Amerikës (ShBA).
Ndryshimet klimatike të shkaktuara nga njerëzit kanë dyfishuar gjasat e përmbytjeve që kanë vrarë 24 njerëz në Evropën Qendrore, thotë një analizë.
Intensiteti i shiut është rritur gjithashtu me shtatë për qind në rajon për shkak të ndryshimeve klimatike, shtoi ai.
Nëse bota vazhdon të djegë lëndë djegëse fosile dhe rritja e temperaturës globale arrin dy gradë, shkencëtarët besojnë se reshjet e ngjashme me ato në Evropën Qendrore do të bëhen pesë për qind më intensive dhe 50 për qind më të shpeshta, duke shkaktuar rrezikun e përmbytjeve shkatërruese.
Joyce Kimutai, një studiuese në Departamentin e Ndryshimeve Klimatike dhe Mjedisit në Institutin Grantham, Imperial College London, tha se ndryshimi i klimës kishte ndikuar në reshjet që goditën Evropën Qendrore.
Sipas analizës, përmbytjet mund të kenë efekte afatgjata edhe në sektorin e sigurimeve.
/trt/
