Myftiu Tërnava, priti në takim shkrimtarin, publicistin, e diplomatin e njohur Besnik Mustafaj

Myftiu Tërnava fillimisht i uroi mirëseardhje z. Mustafaj, të cilin më pas e njohu me punët, angazhimet dhe të arriturat e Bashkësisë Islame të Kosovës. Ai vlerësoi lart punën dhe kontributin e z. Mustafaj dhënë për letërsinë shqipe në përgjithësi, por edhe për punën dhe angazhimin e tij si një diplomat dhe ministër, veçanërisht për njohjen e Kosovës dhe promovimin e saj.

Nga ana e tij, z. Mustafaj, falënderoi Myftiun Tërnava për pritjen dhe për ftesën që BIK-u i bëri që të ligjërojë për jetën dhe veprën e dijetarit haxhi Vehbi ef. Dibra.