Kreu i Lidhjes Demokratike të Kosovës, Isa Mustafa, është deklaruar rreth inicidentit të diplomatit kosovar në Kroaci, Urtak Hamiti, i cili javën e kaluar ishte prangosur nga policia kroate për shkak se kishte vozitur në gjendje të dehur.
Mustafa ka kërkuar që Ministria e Jashtme e Kosovës të merret me rastin dhe të gjejë se çfarë ka ndodhur.
“Është e domosdoshme që të zbardhet qartë se çfarë ka ndodhur edhe qartë të informohet opinioni. Çdonjëri për gabimet dhe sjelljet e pahijshme duhet të merr përgjegjësi, por assesi nuk duhet të ngarkohet për atë që nuk ka ndodhë. Është detyrë e Ministrisë që të informojë qytetarët që ta dinë se për kënd bëhet fjalë”, ka thënë Mustafa.kohaislame
