Fëmija që shihni në foto, ka mbushur ditëlindjen e tij të parë. Ai tashmë është një djalë i shëndetshëm. Nënës së tij 34vjeçare i shpërthyen ujërat kur ishte 20 javëshe shtatzënë dhe mjekët i lanë 5 minuta kohë për të vendosur për abortin, pasi fëmija sipas tyre ishte thjesht një “fetus pa jetë”.
Çifti vendosi të mos i dëgjonte pavarësisht presioneve dhe Jett lindi pas 5 javësh. Ai ishte më i vogël se dora e babait të tij. Pas një viti nëna e tij ka thënë se mjekët në spital nuk e panë atë si një fëmijë, por thjesht si fetus pa jetë. Pasi Jett lindi shumë nën peshë ai qëndroi në inkubator, por pësoi një sëmundje kronike mushkërish dhe verdhëzën.
Por ai e mori veten shpejt dhe mushkëritë dhe organet e tjera nisën të zhvillohen. Vogëlushi më në fund u lejua të shkojë me prindërit në shtëpi më 5 mars, gati tre javë para datës së caktuar për lindje nëse çdo gjë do kishte shkuar mirë me shtatzëninë e nënës së tij.
Pas kësaj Jett pati dy vrima të vogla në zemër dhe jetoi me një makinë oksigjeni deri në maj. Pas kësaj ai është rritur plotësisht i shëndetshëm. Nëna e tij Mhairi Morris, tha se fillimisht kishte shqetësimin se do i ndodhte diçka.
“Jetoja me mendimin se ai nuk do të ishte i shëndetshëm dhe po prisja që diçka e keqe të ndodhte, por fatmirësisht nuk ndodhi kurrë”, tregon ajo për Dailymail.
Gjithashtu edhe mjekët kanë pohuar se si nëna edhe djali janë shumë mirë me shëndet. Shefi i spitalit “Surrey and Sussex Healthcare NHS Trust”, Michael Wilson tha: Ne po përpiqemi të mësojmë nga Feedbacku që marrin nga pacientët tanë, për të përmirësuar vazhdimisht shërbimet tona ndaj pacientëve.
Kjo nënë është një shembull i jashtëzakonshëm force, guximi dhe dashurie. Falë këtyre fëmija i saj sot jeton, por ky shembull nuk është për të injoruar mjekësinë, por për të çmuar jetën, sado e zbehtë të duket drita e saj ndonjëherë. Me të vërtetë gjithëçka është në caktimin e Zotit.
