Rreth 250 minatorë të ndërmarrjes Trepça janë futur në grevë një ditë pasi qeveria e Kosovës ka aprovuar Projektligjin për Plotësimin dhe Ndryshimin e Ligjit për Ndërmarrjet Publike.
“Jemi rreth 250 minatorë të cilët kemi hyrë në grevë. Minatorët janë dukë përpiluar kërkesat që do t’ia dërgojnë qeverisë për të dalë nga greva”, kanë thënë grevistët.
Greva po mbahet në minierën me flotacion në Stanterg.
Atyre u janë bashkuar edhe ish minatorë të tjerë, dhe deputet të parlamentit të Kosovës. Ata pritet t’i vizitojnë Kadri Veseli dhe Isa Mustafa.
