Mijëra gra myslimane kanë protestuar ditën e sotme në Vjenë kundër vendimit të qeverisë për të ndaluar perçen që mbulon plotësisht fytyrën në vende publike.
Afërsisht 3 mijë persona kanë marrë pjesë në tubimin e organizuar në kryeqytetin Austriak. Gratë kanë bërë thirrje për ndryshimin e ligjit duke akuzuar qeverinë si islamofobike.
Sipas protestuese kjo masë është seksiste dhe anti-myslimane, ndërkohë që vendosja e perçes është një zgjedhje personale.
Javën e kaluar koalicioni qeverisës në Austri kaloi ligjin e ndalimit të burkës, ligj i cili do të hyjë në fuqi gjatë 18 muajve të ardhshëm.
