“Kisha kriza ankthi përpara se të luaja, por nuk thonte njeri gjë. Botës së futbollit nuk i interesojnë këto gjëra”.
Bojan Krkic ka rrëfyer për “The Guardian” problemet që ka pasur përgjatë karrierës së tij, që pritej të ishte fantastike, pasi talenti i Barcelonës quhej edhe “Messi i ri”, por që nuk u ngjit kurrë aty ku duhej.
Futbollisti, i cili aktualisht luan për Alaves, shpjegoi se problemi i tij është ankthi.
“Nuk mora pjesë në Europian nga kjo gjë. Që nga viti 2008 karriera ime mori për keq, por njerëzit nuk e dinin se çfarë po më ndodhte. Ata thonin se nuk doja të luaja për Spanjën. Federata e dinte problemin tim, por sërish më grumbulloi, duke më lënë të vetëm përballë opinionit publik”, deklaron shënuesi i 900 golave me skuadrat zinxhir të Barçës.
Krkic ka luajtur me Romën, Milanin, Ajaksin, Stokun, Mainzin dhe Alaves. Sot, në moshën 28-vjeçare, më në fund sulmuesi spanjoll tregoi se kush është pengesa që nuk e ka lejuar të shkëlqejë në futboll.
“Ka forca që nuk i kontrollon dot më, opinione që nuk i heq dot nga mendja, xhelozira… Duhet t’i përballosh, por nuk është e thjeshtë. Isha 17 vjeç kur më ndryshoi jeta. Shkova në Botërorin U17, më pas debutova kundër Osasunës, debutova në Champions, shënova kundër Villarreal dhe në shkurt 2008 u grumbullova në kombëtare. Isha mësuar të ecja në rrugë pa më njohur njeri dhe nuk mund ta bëja më këtë gjë. Gjithçka ndodhi shumë shpejt”, tha Bojan për “The Guardian”.
