Kryeministri Hashim Thaçi ka deklaruar se më 2 korrik të këtij viti Grupi Drejtues Ndërkombëtar do të mblidhet në Vjenë të Austrisë, ku do të merret vendimi për përmbylljen e mbikëqyrjes ndërkombëtare të pavarësisë së Kosovës, njofton KTV.
Në mbledhjen e Qeverisë Thaçi ka thënë se janë në fazën finale ndryshimet kushtetuese dhe nxjerrja e legjislacionit, duke përmendur këtu Ligjin për Ndërtime dhe atë për Ndërmarrjet Publike. Lidhur me bisedimet Kosovë-Serbi, kryeministri është shprehur se së pari duhet të zbatohen marrëveshjet e fundit të arritura me Serbinë, sidomos ajo për bashkëpunimin rajonal dhe menaxhimin e integruar të kufijve, e më pas, sipas tij, të “rimendohet” për vazhdimin e dialogut.koha/kohaislame
