Vera është e sikletshme për shkak të vapës dhe djersitjes? Së shpejti mund të jetë vetëm një kujtim i vjetër. Të paktën në Japoni, ku Hiroshi Ichigayam, ish-teknik i kompanisë Sony dhe tanimë shef i shoqërisë Kuchofuku, ka projektuar një palë pantallona dhe xhaketë me ajër të kondicionuar.
Si shkak i dy helikave dhe një sistemi ajrosjeje të brendshëm, përdoruesit do të ndiejnë freski. Ka vetëm një problem: zhurma e helikës do t’ju ndjekë pas ngado. Shkencëtarët nuk kanë arritur ende të vendosin një shurdhues të zhurmës, raporton TCH.
Sistemi ftohës Kuchofuku përbëhet nga helika që ushqehen nga bateria dhe lejon qarkullimin e ajrit të ftohtë drejt ekstremiteteve. Bateria është e modelit AA dhe arrin të sigurojë disa orë freski. Ventilatorët ndodhet në xhepat e pantallonave që përbëhen nga një material i përzier pambuk-poliester dhe janë në ngjyrë kaki./kohaislame
