Në Siri forcat e Esadit vazhdojnë operacionet.
Në operacionet e organizuara 24 orët e fundit kanë humbur jetën 80 persona.
Nga ana tjetër, vëzhguesit e Kombeve të Bashkuara arritën të hyjnë pas shumë ditësh në fshatin Mezraatyl Kubejr, ku janë masakruar 78 persona.
Ata në fshat u pritën nga shenjat e kësaj masakre.
Ushtarët e Esadit, të cilët po përdorin edhe armë të rënda, dhe forcat e Ushtrisë së Sirisë së Lirë u ndeshën në Humus, Halep, Hama, Derae dhe Idlib.
Derae, një nga qytetet ku po përjetohen këto konflikte, ishte në shënjestër të bombardimeve.
Kurse pamjet e shpërndara në internet ndrydhën zemrat me dëshminë e vdekjes së 17 personave ndër të cilëve 10 ishin gra.
Në një tjetër video të publikuar në internet, ushtarët pasi kanë groposur një person, duke i lënë vetëm kokën jashtë, e kanë vrarë atë duke i hedhur dhe.
Nga ana tjetër nga Rusia ka ardhur deklarata se ata nuk kanë për të kundërshtuar në qoftë se populli sirian do të miratojë ikjen e Esadit nga pushteti.
Ministri i Jashtëm i Rusisë, Sergei Lavrov tha: “Në qoftë se sirianët vendosin vetë për këtë atëherë ne nuk kemi për ta refuzuar këtë vendim. Por kjo kërkesë nuk duhet imponuar nga jashtë”./INDEKS/kohaislame
