Rriten treguesit e ikjeve nga 1 janari, pse s’ndodhi me Shqipërinë në 2010-ën?
Pothuajse 30 për qind e qytetarëve të Kosovës planifikojnë të emigrojnë në vendet e Evropës Perëndimore, kryesisht në Gjermani, tashmë nga mesi i vitit, kanë treguar rezultatet e sondazheve.
Dhe pasojë e kësaj është vendimi i Bashkimit Evropian për të lejuar qytetarët e Kosovës të hyjnë pa viza në zonën Shengen.
Me ditët e para të vitit të ri dhe liberalizimin e vizave, situata është bërë alarmante. Krahas radhëve të pafundme në aeroporte për të hipur në avionë, një numër i madh njerëzish bien në sy edhe në repartet e policisë. Në Prishtinë, për shembull, më shumë se 10,000 persona aplikuan për pasaportë në dhjetë ditët e para të janarit.
Tashmë janë bërë kërkime se ku dhe kur do të marrin pasaportat e tyre.
“Sipas përgjigjeve të qytetarëve, 28 për qind e tyre planifikojnë të emigrojnë në gjysmën e parë të këtij viti në vendet e Shengenit”, thotë Blendi Hasaj, hulumtues i lartë në Institutin GAP në Prishtinë.
Kolegia e tij Anisa Zogaj thekson se në vitin 2022 kanë emigruar 41.553 qytetarë duke bërë që fuqia punëtore aktive të zvogëlohet me 21.571 persona, ndërsa fuqia punëtore joaktive është reduktuar me 14.698 persona.
Sipas studiuesve, nga viti 2012 deri në vitin 2022, më shumë se 338,000 qytetarë, ose 18.8 për qind e popullsisë, kanë emigruar nga Kosova. Arsyet kryesore të largimit thuhet se janë kushtet ekonomike. Papunësia është mbi 35 për qind.
Largimi do të ndikojë më së shumti në ndërtim, shërbime, tregti dhe prodhim.
Për krahasim, kujtojmë se kur ndodhi liberalizimi i vizave me Shqipërinë, në fundin e vitit 2010, nuk pati alarmin për rritje emigrimi, pasi atëherë nuk ekzitonte një trend i tillë ikjeje në nivel rajonal.
Edhe trendi i tanishëm nis me Kosovën, në janar-shkurt 2015, për t’u pasuar nga Shqipëria rreth një vit e gjysmë më vonë, në pranverë-verë 2016 kur nis të shfaqet një prirje e harruar për ikje. /tesheshi.com/
