Kancelari austriak Sebastian Kurz është i mendimit se Bashkimi Europian duhet të mbyllë negociatat e pranimit me Turqinë dhe të mendojë një tjetër lloj bashkëpunimi me Ankaranë zyrtare.
Negociatat mes BE-së dhe Turqisë duhet ta ndalojnë menjëherë, shprehet Kurz në një intervistë pë gazetën greke “Kathimerini”.
Sipas tij, ky hap duhet të zëvedësohet me vendosjen e marrëdhënieve të sinqerta e Turqinë, një vend që sipas tij u është larguar shumë vlerave europiane.
Kurz ka vlerësuar edhe marrëveshjen e Prespës mes Greqisë dhe Maqedonisë duke shtuar se Austria mbështet zgjerimin e BE-së në Ballkanin Perëndimor
Kancelari ka cilësuar se Ballkani Perëndimor është prioritet kyç i presidencës austriake të BE-së.
