Një ekspozitë edhe denoncuese me Kosovën prezente
Kryeministri Kurti ishte zgjedhur në hapjen e Festivalit të parë Ndërkombëtar të Fotografisë FOTOIST, i cili filloi me ekspozitën “Rrethimi i Sarajevës” të fotografit Paul Loëe.
Fotot, siç tha Kurti, tregojnë “tmerrin e gjenocidit në Bosnje, i cili u përsërit në Kosovë jo shumë vite më vonë”.
“Dhjetëra mijëra viktima vetëm dhe vetëm sepse kanë dashur të jetojnë në vendin e tyre dhe të lirë”, ka shtuar i pari i qeverisjes së Kosovës.
Siç është njoftuar nga zyra e tij, Kurti ka theksuar se fotografitë në ekspozitën “Rrethimi i Sarajevës” ruajnë momentet e vështira të vendit në rajon, i cili vuajti shumë “nën rrethimin e forcave armike të organizuara nga Serbia në atë kohë”.
“Këto foto na bëjnë të mos harrojmë dhe është edhe më mirë kur bëhet me estetikë superiore”, tha Kurti.
Kurti theksoi se Qeveria e Kosovës i jep prioritet artit dhe kulturës, sepse ato janë pjesë e rëndësishme për edukimin gjithëpërfshirës të të gjithëve. /tesheshi.com/
