Kryetari i Lëvizjes Vetëvendosje, Albin Kurti i është përgjigjur letrës së 10 janarit 2020 të Presidentit të Kosovës, Hashim Thaçi, duke e quajtur paralajmërim kërcënues mesazhin e Thaçit dhe ndërhyrje e paragjykim të procesit të formimit të institucioneve.
Kurti në këtë letër drejtuar Thaçit ka kërkuar nga ai që të mos bëjë vlerësime politike dhe presion përmes paragjykimit të procesit politik të formimit të Qeverisë.
Lideri i LVV ka thënë se propozimin me shkrim për mandatarin për Kryeministër, do ta dërgojnë në Presidencë porsa të jenë gati.
Ai në këtë letër ka sqaruar se Vetëvendosje nuk po e shfrytëzon këtë kohë për ta neglizhuar ndërtimin e koalicionit, as edhe të cenoj autoritetin e presidentit, por me qëllim të arritjes së një marrëveshjeje politike.
Në këtë letër, Kurti ka thënë se ndodhen në fazën e finalizimit të marrëveshjes më LDK-në.
Lexoni të plotë letrën e Kurtit dërguar presidentit Thaçi:
