Kryetari i KBIGJ-së Dr. Valon Myrta priti në takim drejtorin e Institutit “Furkan”, Dr. Hajredin Hoxha
Kryetari i Këshillit të Bashkësisë Islame të Gjakovës, Dr. Valon ef. Myrta, priti sot në takim themeluesin dhe njëherit drejtorin e Institutit Ndërkombëtar për Lidership dhe Komentim të Kuranit “Furkan”, Prof. Dr. Hfz. Hajredin Hoxha.
Kryetari Myrta pasi e falënderoi mysafirin për vizitën, e njoftoi atë me punët, angazhimet dhe sfidat e institucionit të cilin ai e drejton.
Ai, gjithashtu e falënderoi atë për bashkëpunimin dhe mbështetjen në avancimin e dijes në vendin tonë, përmes konferencave dhe programeve të ndryshme.
Mysafiri i nderuar, u nda i kënaqur me punët dhe arritshmëritë e KBI të Gjakovës, njëherit shprehu gatishmërinë e tij për bashkëpunim edhe në të ardhmen.
