“Në muajt e fundit ka patur rritje shqetësuese të gjuhës së urrejtjes, diskriminimit dhe islamofobisë kundër muslimanëve në Kanada”, tha Trudeau.
Kryeministri i Kanadasë, Justin Trudeau deklaroi se ka rritje shqetësuese të gjuhës së urrejtjes, diskriminimit dhe islamofobisë ndaj muslimanëve në vend, transmeton Anadolu.
Trudeau publikoi një deklaratë me shkrim në kuadër të “Aksionit kundër islamofobisë dhe Ditës Kombëtare të Përkujtimit”.
Duke përkujtuar ata që humbën jetën në sulmin e armatosur në xhaminë e Qendrës Kulturore Islame në Quebec City më 29 janar 2017, Trudeau theksoi solidaritetin e tij me familjet dhe të afërmit e të ndjerëve.
“Në muajt e fundit ka patur rritje shqetësuese të gjuhës së urrejtjes, diskriminimit dhe islamofobisë kundër muslimanëve në Kanada”, tha Trudeau.
Sipas tij, rritja është e papranueshme. Ai nënvizoi se ata do të vazhdojnë të punojnë për të siguruar që kanadezët të ndjehen të sigurt në shtëpitë, komunitetet dhe vendet e tyre të adhurimit.
Këshilli Kombëtar i Muslimanëve Kanadezë (NCCM), në deklaratën e tij në platformën e mediave sociale X, u bëri thirrje autoriteteve kanadeze që të ndërmarrin veprime për të parandaluar incidentet e urrejtjes dhe për të luftuar kundër islamofobisë.
– Ngjarja
Alexandre Bissonnette, i cili kreu sulm të armatosur në xhaminë e Qendrës Kulturore Islame të Quebec City në Quebec City më 29 janar 2017, qëlloi besimtarët që po kryenin adhurimin brenda me armë automatike, duke vrarë 6 persona dhe duke plagosur 19 persona. Sulmuesi, i cili u arratis pas ngjarjes, u kap nga policia.
Duke pranuar sulmin në deklaratën e tij, Bissonnette tha: “Më vjen keq që nuk kam vrarë më shumë njerëz”.
Në sulm humbën jetën Mamadou Tanou Barry (42), Abdelkerim Hassane (41), Khaled Belkacemi (60), Aboubaker Thabti (44), Azzeddine Soufiane (57) dhe Ibrahima Barry (39).
Me vendimin e marrë në vitin 2021, Qeveria e Trudeau-s e shpalli 29 janarin, përvjetorin e sulmit, si “Veprim kundër islamofobisë dhe Ditën e përkujtimit kombëtar”.
