Zyrtari i lartë turk Sheref Malkoç, ka paralajmëruar autoritetet shqiptare që të kenë kujdes nga organizata terroriste FETO, e cila nën petkun e institucioneve arsimore mbjell dhunë dhe terror!
-Sheref Malkoç, kryekëshilltari i Presidencë turke dhe Avokati i Popullit i Turqisë deklaron: Shqipëri! Turqia të ka mik, por kujdes nga FETO!
Kryekëshilltari i Presidëncës turke, kryetari i Auditit dhe Avokati i Popullit të Turqisë, Sheref Malçok, gjatë vizitës zyrtare që pati në Shkodër në një intervistë ekskluzive për TRT në Shqip u ndal në përgjigjen e shumë çështjeve.
I pyetur në lidhje me marrëdhëniet miqësore Shqipëri-Turqi dhe për vizitat dhe takimet e shpeshta të kryeministrit shqiptar, Edi Rama me presidentin turk, Rexhep Tajip Erdogan, Malçok u shpreh:
“…Kryeministri i Shqipërisë, z. Edi Rama por vepron në një mënyrë jashtëzakonisht mirë, duke tentuar të përmirësoj dukshëm atë miqësi të themeluar shumë shekuj më parë. Cdo vizitë dhe takim tregon se kjo miqësi e hershme do të vazhdojë edhe më tej, jo vetëm por kjo miqësi do të kontribuojë dukshëm në zhvillimin e shtetit shqiptar, solidariteti ndërmjet dy kombeve dhe solidariteti ndërmjet dy lidërve të këtyre dy shteteve do të përmirësojë përveç zhvillimit edhe marrëdhëniet ekonomike, kulturore dhe më tej. Edhe diçka tjetër: Duke ardhur me avion nga Turqia në Shqipëri në të njëjtin avion ishim edhe me presidentin e Republikës së Shqipërisë, Bujar Nishani me të cilën shkëmbyem tema shumë të rëndësishme për zhvillimin dhe solidaritetin e dy kombeve…”.
Në lidhje me organizatën FETO dhe rrezikun që ka Shqipëria prej saj, kryekëshilltari i Presidencës turke tha:
“…FETO është një organizatë terroriste e cila është shfaqur së fundmi, por është kultivuar prej 40-të vitesh në vatrën e Turqisë. Këta përsona fshihen si institucione arsimore, por më datë 15 korrik 2016 tentuan të bombardojnë me helikopterët turk institucionet turke dhe popullin turk. Pra, kur tentuan të bombardojnë vendin e vet, ju mund të imagjinoni se sa përgjakshme është kjo organizatë! Kam thjesht një lutje, kërkesë dhe sugjerim për të mirën e Shqipërisë. Kur Turqia e përjetoi pas 40 viteve, shpresojmë që jo, por kjo mund të jetohet pas 5-së ose 10-të viteve edhe në Shqipëri. Duke menduar për të mirën e një miku, ne vetëm ju sugjerojmë që të largohet kjo organizatë terroriste nga vendi i juaj, ndësa veprimi mbetet në dorën e udhëheqësvë tuaj…”
Kryekëshilltari Malkoç, duke u ndaluar edhe një herë në rrezikun e organizatës FETO iu drejtua nëpërmjet Zërit të Turqisë të gjithë shqiptarëve me këto sugjerime dhe paralajmërime…
Nga ana tjetër, zyrtari lartë turk, Sherf Malkoç ishte i ftuar në një aktivitet të organizuar nga instituti “Yunus Emre”, në Shkodërpër të mbajtur temën: “Zhvillimet e kohëve të fundit në Turqi dhe pasqyrimi i tyre në Europë e Ballkan”, i cili foli për disa prej ngjarjeve më të fundit që kanë trazuar qetësinë dhe mbarëvajten ekonomike dhe shoqërore në shtetin turk.
Në fillim ai përcolli përshëndetjet e presidentit të Turqisë, Erdogan për popullin shqiptar dhe rikonfirmoj marrëdhëniet shumë të mira në mes dy vendeve.
“…Marrëdhëniet shumë të mira miqësore, takimet shumë të shpeshta dhe mjaft miqësore në mes presidentit të Turqisë, Rexhep Tajiip Erdogan dhe kryeministrit të Shqipërisë, Edi Rama po vështrohem me një sy mjaft xheloz dhe të mrekulluar nga popujt e shteteve të ndryshëm…Prandaj e ndjejë veten në Shkodër si në shtëpinë time, si në atdheun tim…”.
Malkoç ka folur edhe për pritshmëritë e Turqisë në Ballkan. “Turqia pret paqe, stabilitet dhe miqësi të bazuar në themelin e reciprocitetit. Kjo është ajo që Turqia pret në Ballkan. SHBA-ja dhe Rusia janë larg, ndërsa Turqia është afër. Një problem që mund të dalë në Ballkan dhe djeg këto vende, ndikon drejtpërdrejt në Turqi. Për këtë arsye Turqia kërkon stabilitet, paqe, qetësi dhe mirëqenie në Ballkan. Institucionet e Turqisë me ato të vendeve të Ballkanit duhet të solidarizohen dhe të punojnë së bashku”, u shpreh ai.
Duke vënë në dukje se në 15 vitet e fundit në Turqi ka një stabilitet politik, Malkoç në vijim shton: “Kjo gjë është bërë e mundur përmes presidentit të Turqisë, Rexhep Tajjip Erdogan. Si Turqia ashtu edhe vendet e Ballkanit duhet të marrin të mirat materiale nga kjo situatë e mirë, por kjo gjë duhet të jetë në mënyrë reciproke dhe e bazuar në respekt të ndërsjellë. Mirëqenia e Turqisë do të jetë për Ballkanin, ndërsa ajo e Ballkanit për Turqinë.”
Malkoç ka prekur edhe çështjen e tentativës për grusht shteti nga organizata terroriste FETO. Në fjalën e tij në lidhje me këtë ai thotë: “Dua të flas hapur. Ajo është organizata më tinzare dhe një organizatë terroriste që punon me metoda që nuk janë parë më parë. Ajo punon duke përdorur fenë. Punojnë në mënyrë tinzare dhe janë me dy shpirtra. Kanë disa identitete dhe janë me dy shpirtra. Për këtë arsye nuk dihet se çfarë mund të bëjnë. Ata mund të duken shumë të mirë dhe një organizatë që merret me arsimin, pasi këtë bënte edhe në Turqi, por atje doli në pah fytyra e tyre e vërtetë dhe Turqia hoqi keq prej tyre”,- tha ndër të tjera, kryekëshilltari i Presidencës së Turqisë, Sheref Malkoç nw takimin kulturor, ku merrnin pjesë autoritete vendore, intelektualë, studentë etj…
***
-Në Shqipëri, shtetasit turq votojnë për ndryshimet kushtetuese në Turqi
Votimi nisi, të dielën e kaluar, në orën 09:00 sipas orës lokale, ndërsa i pari që ushtroi të drejtën për të votuar në ambientet e ambasadës së Turqisë në Tiranë ishte ambasadori turk, Hidayet Bayraktar.
Procesi i votimit për qytetarët të Turqisë, të cilët jetojnë në Shqipëri, vjen në kuadër të referendumit për ndryshimet kushtetuese në vendin e tyre, i cili mbahet më 16 prill 2017.
Ndërkohë në një prononcim për Anadoll Agency, ambasadori Bayraktar tha se qytetarët e Turqisë që jetojnë në Shqipëri do të ushtrojnë të drejtën e tyre kushtetuese për të votuar. Ai shtoi se krahas tyre për të votuar vijnë edhe qytetarë të cilët jetojnë në Malin e Zi për shkak se atje nuk janë hapur kuti votimi.
***
– Aktivitet festiv për fëmijët jetimë në Tiranë
Në Tiranë është organizuar aktiviteti me temë “Bota është më e bukur me buzëqeshjen tënde”, në kuadër të ditëve të solidarizimit me jetimët në Shqipëri.
Aktiviteti është organizuar nga fondacioni “Mirësia” në bashkëpunim me fondacionin humanitar turk për të drejtat dhe liritë e njeriut (IHH), ndërsa merrnin pjesë edhe Avokati i Popullit i Republikës së Turqisë, Şeref Malkoç, përfaqësues të pushtetit lokal në Tiranë, të ambasadës së Turqisë nё Shqipëri, përfaqësues të IHH-së, etj.
Në fjalën e tij përshëndetëse, drejtori i Fondacionit “Mirësia”, Korab Kaja, u shpreh se është i treti vit që në koordinim me fondacionin IHH realizojnë aktivitetin festiv me fëmijët jetime në Shqipëri. Sipas tij, pas një udhëtimi në Shkodër dhe Dibër në vitet e kaluara, këtë vit aktiviteti ku u shpërndanë edhe dhurata është organizuar në Tiranë.
Ndërsa në fjalën e tij, Avokati i Popullit i Republikës së Turqisë, Şeref Malkoç, u shpreh se aktivitete të tilla janë ndër punët më të mira të njerëzve.
“Kujdesi për jetimët në Shqipëri është një ndër punët më të mira në shoqëri, prandaj jam i bindur që do jeni shpresë për një të ardhme të mirë. Ju uroj një të ardhme të suksesshme. Dua të përcjell tek ju përshëndetjet e presidentit të Turqisë, Rexhep Tajjip Erdogan dhe kur të kthehem në Turqi do t’i tregoi për këtë aktivitet të bukur”, theksoi Malkoç.
***
-Shqipëria mbështet sulmin SHBA-së në Siri.
Ministri i jashtëm, Ditmir Bushati, ka mbështetur SHBA-në dhe vendimin e administratës Trump për sulmin në Siri, pas sulmit me armë kimike kundër civilëve të pafajshëm sirianë, përfshirë gra dhe fëmijë.
Bushati është shprehur se “bombardimet amerikane në Siri janë një përgjigje e fortë dhe e nevojshme e administratës amerikane kundër përdorimit të armëve kimike nga regjimi i Asadit”.
Nga luftanijet në Mesdhe, Pentagoni ka lëshuar 59 raketa “Tomahawk” mbi objekte të qeverisë siriane.
Kjo është goditja e parë e drejtpërdrejtë që SHBA ndërmarrin kundër qeverisë së Asadit që nga fillimi i luftës civile në Siri, gjashtë vjet më parë.
***
– Kryetari i kuvendit të Shqipërisë, Ilir Meta i ka dërguar një mesazh ngushëllimi homologut të tij suedez Urban Ahlin.
“Jemi thellësisht të shokuar dhe të trishtuar nga sulmi terrorist në zonën tregtare Drottninggatan në Stockholm, prej të cilit vdiqën disa persona dhe shumë të tjerë janë plagosur. Lutjet dhe mendimet tona shkojnë për viktimat, të plagosurit, familjet e tyre dhe për të gjithë popullin e Suedisë. Në emër të Kuvendit të Shqipërisë më lejoni t’ju përcjell ngushëllimet më të ndjera për familjet e viktimave dhe lutemi për shërim të shpejtë të të plagosurve nga ky sulm barbar”, shkruan Meta në letrën dërguar homologut të tij suedez.
Më tej, Meta thekson se “në këto momente të vështira qëndrojmë përkrah miqve tanë suedezë duke dënuar plotësisht akte të tilla të tmerrshme dhune dhe ofrojmë mbështetjen si dhe solidaritetin tonë të plotë ndaj popullit suedez, deputetëve të Riskdagut dhe autoriteteve tuaja. Ju siguroj se populli shqiptar qëndron me vendosmëri përkrah popullit suedez kundër terrorizmit, ekstremizmit, në mbrojtje vigjilente të vlerave tona të përbashkëta demokratike”.
– Përgatiti për TRT Shqip, Arben HALLUNI, Shqipëri –
