Kristo Frashëri për Xhaminë më të bukur të Tiranës

Historiani Kristo Frashëri shkruan: “Xhamia më e bukur e Tiranës është ajo e Haxhi Et’hem Beut, e cila i la pas shoqet e saj nga çdo pikëpamje, duke përfshirë edhe xhaminë e vjetër të ndërtuar nga themeluesi i qytetit. Xhamia e Et’hem Beut në kompozicionin e saj arkitektonik, me volumin thellësisht harmonik, me minarenë e bardhë elegante, me kupolën shumë tërheqëse, me portikun solid e të ëmbël, me dekoracionet dhe ornamentet e saj mund të rreshtohet në radhët e monumenteve më të bukur islamikë, jo vetëm të Shqipërisë, por edhe të Ballkanit”.