Rininë e sotme, para thikës që merr jetën frymore të njeriut, po e vret KOTËSIA. Mbi të gjitha, kotësia e një rendi të stërmadh social-kulturor, që nuk di përse jeton, ndaj dhe kërkon të vetëpërmbushet në kotësi të pafundme, që në thelb rezultojnë vetëm përmbushje tekash dhe pasionesh të kota të trupit dhe egos. Nëse në jetën e njerëzve dhe të një shoqërie apo kombi nuk ekziston asnjë aspiratë që e tejkalon këtë botë, atëherë KOTËSIA me të gjitha ngjyrimet dhe larminë e saj boshe, do të vrasë çdo gjë njerëzore, deri edhe trupin fizik, pavarësisht nëse arma është thikë, drogë apo helm i thithur nga rrjetet sociale.
