Ahed Tamimi është një vajzë 17 vjeçare, dhe për palestinezët ajo është një femër ‘heroinë’.
Derisa për izraelitët ajo është provokuese dhe një simbol i propagandës. Tamimi për shumë vite e ka dëshmuar se ka shpirt luftarak, dhe jo rrallë herë figuron në ballë të protestave.
Në videon e fundit ajo shihet duke u përleshur me forcat izraelite, derisa ndërhyn nëna e saj.
Kjo nuk është hera e parë që ajo konfrontohet me ushtarët.
Në vitin 2012 ajo goditi një ushtar derisa po protestohej në Ramallah, kurse në vitin 2015 ajo kafshoi dorën e një ushtari pasi që ia arrestuan vëllaun e saj më të ri.
Tamimi vjen nga një familje aktivistësh, dhe lufton për të drejtat e vendit të vet.
