Oda Ekonomike e Maqedonisë Veri-Perendimore (OEMVP) sot ka prezantuar edicionin jubilar të “TOP 100” të përbërë nga kompanitë që kanë realizuar qarkullim për ekonominë e Maqedonisë.
5 kompanitë e para të TOP-100 janë:
1.Dauti Komerc – Qarkullimi 45 milion euro
2.AlmaM – Qarkullimi- 36 milion euro
3.PoFix – Qarkullimi- 15 milion euro
4.BAS Tuti-Fruti – Qarkullimi 14.3 milion euro
5.Kipper Market – Qarkullimi: 58 milion euro
Kompania me rritje më të shpejtë për 3 vitet e fundit:
AK Invest Tetovë
Kompania më e suksseshme e udhëhequr nga një grua:
Qendra Edukative parashkollore – REA
Kompania me partneritet më të suksesshëm:
KNAUF Radika
Qarkullimi i kompanive anëtare është 902 milion euro qarkullim vjetor, apo 20% nga viti i kaluar. Top 100 kompanitë e OEMVP punësojnë së paku 8300 persona.
Kjo ngjarje është realizuar në formë hibride, për të ndjekur të gjitha masat dhe rekomandimet për mbrojtje kundër coronavirusit.
Hapjen e ngjarjes e bëri Nebi Hoxha kryetar i OEMVP. Këtë organizim e përshëndeti kryeministri i vendit, Zoran Zaev dhe Ministri i Financave Fatmri Besimi dhe zyrtare tjerë.
Oda Ekonomike e Maqedonisë Veri-Perëndimore përpiqet të promovojë vazhdimisht kompanitë të cilat kanë potencial për investime të reja, krijim të vendeve të reja të punës, rritje të përgjegjësisë së korporatave, si dhe rritje të ndikimit në zhvillimin ekonomik dhe social të vendit tonë. Ngjarja “TOP 100”, e cila padyshim po shndërrohet në traditë, do të vazhdojë të motivojë edhe më tej kompanitë
për të dhënë më të mirën në punën e tyre.
