Sipas aktakuzës të pandehurit, Bedri Robaj dhe Idriz Bilibani, sipas Prokurorisë, me veprimet e tyre kanë kryer veprën penale shtytja për kryerjen e veprave terroriste, ndërsa të pandehurit Enes Goga dhe Mazllam Mazllami, po ashtu sipas aktakuzës kanë kryer veprën penale nxitja e urrejtjes, përçarjes ose mosdurimit, kombëtar, racor, fetar apo etnik, njofton Prokuroria.
Prokuroria Speciale e Kosovës, nëpërmjet një komunikate ka lajmëruar se ka ngritur aktakuzë ndaj pesë personave të dyshuar për kryerjen e veprave terroriste, prej të cilëve disa janë hoxhallarë dhe imamë.
Personat ndaj të cilëve është ngritur aktakuzë, janë:
Bedri Robaj, imam në xhaminë e improvizuar në lagjen Dardania të Prishtinës.
Idriz Bilibani, hoxhë i komunitetit boshnjak dhe administrator i portalit stazomislama.com,
Enes Goga, kryeimam në Këshillin e Bashkësisë Islame (BIK) në Pejë,
Mazllam Mazllami, jeton në Prizren, imam në xhaminë e “Jeni Mahallës”
dhe
Fuad Ramiqi, i lindur më 26 mars 1960, në Pozharan komuna e Vitisë. Aktualisht kryetar i Lëvizjes Islame Bashkohu – LISBA.
Sipas aktakuzës të pandehurit, Bedri Robaj dhe Idriz Bilibani, sipas Prokurorisë, me veprimet e tyre kanë kryer veprën penale shtytja për kryerjen e veprave terroriste, ndërsa të pandehurit Enes Goga dhe Mazllam Mazllami, po ashtu sipas aktakuzës kanë kryer veprën penale nxitja e urrejtjes, përçarjes ose mosdurimit, kombëtar, racor, fetar apo etnik, njofton Prokuroria.
Ndërkaq të pandehurin Fuad Ramiqi aktakuza e ngarkon me kryerjen e veprës penale thirrje për rezistencë./Insajderi.com
