I akuzuari për vrasjen e një vajze myslimane në kohën kur ajo po shkonte në shtëpi nga xhamia përballet me dënimin kapital.
Prokurorët thonë se Darvin Martinez Torres përdhunoi dhe vrau Nabra Hassanen pasi kishte një argument me të dhe miqtë e saj derisa ata ishin duke u kthyer nga Xhamia e Shoqërisë Myslimane në Dulles, në Fairfax të Virxhinias
Ai thuhet se e ndoqi grupin me një kamion dhe me një shkop bejsbolli e më pas rrëmbeu Hassanen.
Edhe pse policia ka përjashtuar anshmërinë racore apo fetare si një motiv në incident, familja e Hassanen thotë se ajo ishte një viktimë e dhunës fetare.
Autoritetet që përcaktuan motivin e vrasjes si “zemërim rrugësh” bënë krahasime me vrasjen fatale të tre të rinjve myslimanë nga fqinji i tyre në Chapel Hill në Karolinën e Veriut. Policia tha se një mosmarrëveshje për parkimin çoi në incidentin e atëhershëm – një kërkesë e kundërshtuar gjerësisht nga avokatët myslimanë të cilët besonin se vrasja ishte një krim urrejtjeje.
Sawsan Gazzar, nëna e Hassanen, tha se beson se feja dhe pamja e vajzës së saj nuk duhet të hiqen si një faktor ndikimi në krimin. Viktima kishte veshur një hixhab dhe një abaya – veshje tradicionale islame.
