Një tubim i madh u mbajt në qytetin kanadez të Londrës në mbështetje të një familjeje myslimane, katër anëtarët e së cilës u vranë natën e 6 qershorit. Policia beson se vrasja ishte nxitur nga urrejtja fetare.
Qytetarë të shumtë morën pjesë në një marshim mbështetjeje nga vendi ku ndodhi sulmi për në xhaminë pranë së cilës u arrestua sulmuesi. 20-vjeçari Nathaniel Veltman dyshohet për vrasjen. Disa nga pankartat shkruajnë “Kjo nuk është një shtëpi për urrejtje” dhe “Dashuri përpara urrejtjes”.
“Më e mira nga të gjitha, jo vetëm që shumë qytetarë u përgjigjën, por edhe larmia e këtyre njerëzve”, u citua të thoshte studenti Abdullah Al Jarad për reuters.
Politikanët kanadezë gjithashtu dënuan sulmin dhe bënë thirrje për kundërshtim të krimeve të urrejtjes dhe islamofobisë. Kryeministri i këtij vendi, Justin Trudeau, e quajti sulmin terrorist dhe autoritetet thanë më herët se ata do të akuzonin Veltman për terrorizëm.
Ai akuzohet për drejtimin e një kamioni që goditi qëllimisht pesë anëtarë të familjes Afzal, të cilët janë me origjinë Pakistaneze. Ndodhi në momentin kur ata ishin duke ecur në trotuar në një nga kryqëzimet.
Një grua 74-vjeçare vdiq në vendin e aksidentit, ndërsa mbesa e saj 15-vjeçare Yumna, nëna 44-vjeçare e Yumna Madiha dhe babai 46-vjeçar Salman vdiqën në spital. Në spital, djali i tyre nëntë vjeç, i identifikuar si Fayez, është jashtë rrezikut. /Telegrafi/
