Zëdhënësi i Presidencës së Turqisë, Ibrahim Kalın ka shprehur kënaqësinë për arritjen e marrëveshjes mes lëvizjes palestineze Fatah dhe Hamas
ANKARA (AA) – Zëdhënësi i Presidencës së Turqisë, Ibrahim Kalın ka shprehur kënaqësinë për arritjen e marrëveshjes mes lëvizjes palestineze Fatah dhe Hamas, transmeton Anadolu Agency (AA).
Zëdhënësi i Presidencës së Turqisë, Kalın në një deklaratë me shkrim tha se “Mirëpresim Marrëveshjen e Pajtimit Kombëtar të nënshkruar mes Hamasit dhe Fatahut e cila i jep fund ndarjes që vazhdonte për një kohë mes vëllezërve tanë palestinezë”.
Ai gjithashtu tha se “Procesi i dialogut në Palestinë e obligon bashkësinë ndërkombëtare me disa përgjegjësi”.
“Me këtë rast ne e përsërisin thirrjen tonë për organizatat ndërkombëtare duke filluar nga Kombet e Bashkuara, për t’i dhënë fund krizës njerëzore, për ringjalljen e procesit të paqes dhe për ndërmarrjen e hapave të nevojshme për zgjidhjen me dy shtete në Palestinë”, tha Kalın.