Pamje të një dite plot tension nga një festë izraelite
Mijëra izraelitë marshuan në qytetin e vjetër të Jeruzalemit të dielën, duke shënuar pushtimin izraelit të pjesës lindore të Qytetit të Shenjtë, mes frikës për përplasje të reja me palestinezët që i shohin festimet si një sfidë.
Ka pasur shumë tensione në Jeruzalem të dielën përpara se procesioni vjetor, i cili u largua nga qendra e Jerusalemit për të përfunduar në Murin e Lotëve, vendi më i shenjtë i adhurimit të Judaizmit nën sheshin e Xhamisë, filloi rreth orës 16:00. Procesioni kaloi Qytetin e Vjetër, që ndodhet në Jerusalemin Lindor, një zonë e pushtuar nga Izraeli në vitin 1967 dhe e aneksuar në territorin e tij.
Izraelitët, duke përfshirë shumë të rinj dhe nacionalistë, hynë në Qytetin e Vjetër përmes “Portës së Damaskut” që çon në lagjen myslimane.
“Kjo ditë nderon çlirimin e qytetit tonë të lashtë, kryeqytetit tonë të lashtë, Jerusalemit,” tha Jonathan Bnidick, i cili ishte në turmë.
Shumica e tregtarëve mbyllën dyqanet e tyre në lagjen myslimane dhe banorët qëndruan në shtëpitë e tyre. Në rrugë, para marshimit, dhjetëra të rinj nacionalistë hebrenj kënduan këngë nacionaliste dhe vallëzuan duke mbajtur flamuj izraelitë përpara palestinezëve. /tesheshi.com/
