-Policia e Japonisë gjatë zhvillimit të një manovre të veçantë për tu përballur me terrorizmin, ka testuar një lloj të ri të dronëve për tu përballur me kërcënimet terroriste.
Agjencia e lajmeve Kiudo njoftoi se strukturat e sigurisë së Japonisë të dielën kanë zhvilluar një manovër me qëllim të ngritjes dhe ruajtjes së gatishmërisë së forcave të sigurisë së këtij vendi.
Gjatë zhvillimit të kësaj manovre, është testuar edhe lloji më i ri i dronëve për të identifikuar vendstrehimin e terroristëve, për të ndjekur ata dhe për tu përballur me mjete të dyshimta fluturuese.
Vlen të theksohet se forcat e sigurisë së Japonisë nga tani do të përdorin edhe këtë lloj të dronëve në misionet e tyre të cilët janë të pajisur me pajisje speciale.
