Izraeli ka përfunduar një marrëveshje që lehtësoi punën e organizatës kryesore të Kombeve të Bashkuara për të ndihmuar refugjatët palestinezë.
Sipas Izraelit, UNRWA, e cila është ofruesja më e madhe e ndihmës në Gaza, është “infiltruar” nga Hamasi.
Organizata mohon akuzat dhe thotë se është një organizatë neutrale.
Por, izraelitët tani i kanë thënë zyrtarisht OKB-së se po anulojnë marrëveshjen.
Lëvizja e fundit duket të jetë një hap drejt ndërprerjes së lidhjeve me UNRWA dhe parandalimin e saj nga operimi në Izrael, shkruan skynews, përcjell Telegrafi.
Bëhet e ditur se ajo ka qenë organizata kryesore e ndihmës e OKB-së që ofron ndihma për refugjatët palestinezë që nga viti 1967.
Muajin e kaluar, parlamenti izraelit miratoi legjislacionin që ndalon organizatën të punojë në Izrael dhe ndalon autoritetet izraelite të bashkëpunojnë me të.
Siç raportohet, ndalimi i UNRWA nuk i referohet operacioneve në territoret palestineze.
Dhe ndërsa legjislacioni nuk ndalon drejtpërdrejt operacionet e UNRWA-s në Bregun Perëndimor dhe Gaza, grupet e ndihmës janë të shqetësuara për aftësinë e agjencisë për të punuar në ato zona.
Qeveria izraelite ka qenë prej kohësh kritike ndaj agjencisë, duke e akuzuar atë për njëanshmëri anti-izraelite.
Ndryshe, UNRWA, e cila ofron ndihmë dhe shërbime arsimore për miliona palestinezë, u krijua pas një lufte që shpërtheu në vitin 1948 pas krijimit të shtetit të Izraelit.
Legjislacioni i ka lënë OKB-në dhe disa nga aleatët perëndimorë të Izraelit të shqetësuar se do të përkeqësojë situatën humanitare në Gaza. /Telegrafi/
