Mbyllja e vendkalimeve është pjesë e vendimit për mbylljen 24-orëshe të vendosur nga Izraeli në territoret palestineze gjatë ditës së zgjedhjeve izraelite
Ushtria izraelite mbylli dy pika kufitare me Rripin e Gazës pasi filloi procesi i votimit në zgjedhjet parlamentare në Izrael, raporton Anadolu Agency (AA).
Mbyllja e vendkalimeve Kerem Shalom dhe Erez është pjesë e vendimit për mbylljen 24-orëshe të vendosur nga Izraeli në territoret palestineze gjatë ditës së zgjedhjeve izraelite.
Mbylljet e këtilla janë praktikë standarde gjatë festave hebraike dhe zgjedhjeve, ndërsa ushtria thotë se kjo është një masë parandaluese. Të gjitha lejet e hyrjes të marra nga punëtorët palestinezë janë pezulluar gjatë mbylljes.
Ushtria izraelite tha se pikat kufitare do të rihapen “varësisht nga vlerësimi i situatës”.
Ndërkohë, Nizar Ayyash, kreu i Sindikatës së Peshkatarëve Palestinez, tha se forcat detare izraelite arrestuan katër peshkatarë palestinezë dhe kapën varkën e tyre në brigjet e Gazës për shkelje të zonës së caktuar të peshkimit.
Nuk kishte ndonjë koment nga ushtria izraelite mbi raportimin.
Peshkatarët palestinezë shpesh janë viktimë e shkeljeve të shumta izraelite, duke përfshirë përpjekjen për të fundosur varkat palestineze në det, duke gjuajtur në to, si dhe duke ngushtuar zonën e peshkimit për periudha të gjata.
