Një shërbim monitorimi i lidhjes thotë se lidhja e internetit ka rënë në Rripin jugor të Gazës.
NetBlocks konfirmoi një “kolaps në lidhje” në zonat në jug, një zonë ku disa kompani të telekomunikacionit kanë rinovuar ditët e fundit.
Interneti ka qenë i fikur dhe i ndezur që nga fillimi i konfliktit, e Hamasi pretendon se Izraeli qëndron pas ndërprerjes.
Nga ana tjetër, Izraeli në përgjithësi nuk ka komentuar ndërprerjet e internetit gjatë konfliktit, transmeton Telegrafi.
Mbrëmë, Ministri izraelit i Mbrojtjes, Yoav Gallant, tha se operacionet e IDF-së do të zgjerohen në të gjithë enklavën, me një fokus të veçantë në qytetin jugor të Khan Younis, të cilin ai e quajti “kryeqyteti i terrorit”.
Informacionet e fundit nga Rripi i Gazës thonë se po zhvillohen takime për të rënë dakord për nënshkrimin e marrëveshjes për armëpushim. Kjo do të varet nëse të dyja palët bien dakord se cilët pengje do të lirohen.
Ministria e Shëndetësisë e Gazës, që kontrollohet nga Hamasi, njoftoi dje se pothuajse 20,000 palestinezë janë vrarë që nga fillimi i konfliktit në Rripin e Gazës. /Telegrafi/
